Qalaj: Policëve duhet tu mundësohet pensionimi i parakohshëm

10:44 | 19 Tetor 2023
K.B

Deputeti nga radhët e Partisë Demokratike të Kosovës, Rashit Qalaj, në Seancën e sotme të Kuvendit të Kosovës, ka prezantuar rezolutën për “Shqyrtimi i Propozim-Rezolutës për mbështetjen urgjente financiare të Policisë së Kosovës”.

Qalaj tha se jo rastësisht Policia e Kosovës është institucioni më i besuar në Kosovë.

Deputeti tha se atyre duhet tu paguhet shtesa e rrezikshmërisë, pasi kjo ndikon në punën dhe vullnetin e tyre, duke shtuar se puna e tyre është e rrezikshme.

“Jo rastësisht Policia është institucioni më i besuar në vend, puna e policit është punë më e rrezikshme në vend, në sektorin publik policive i është ndaluar shtesa e rrezikshmërisë, që në të kaluarën e kanë marrë, kjo ndikon ë vullnetin e tyre dhe në punën e përditshme”, tha Qalaj.

Ai foli edhe për pensionimin e parakohshëm të Policëve, duke thënë se shumë prej tyre vuajnë nga disa sëmundje të ndryshme, dhe më e drejta për ta është që ata të pensionohen para kohe./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm